Գել լաքից վնասված եղունգների խնամք

Գել լաք նյութը ինքնին կարող է պարունակել վնասակար բաղադրիչներ, կամ էլ բաղադրիչների վնասակար քանակություններ։ Օրինակ՝ HEMA և Di-HEMA նյութերի՝ թույլատրելի 30%-ից ավելի բաղադրության մեջ լինելը կարող է տարատեսակ ալերգիաների պատճառ հանդիսանալ։ Դրանք շատ մանր մոլեկուլներ ունեն, որոնք հեշտությամբ նաև շնչառական ուղիներ են ներթափանցում։ Այլ վնասակար բաղադրիչներ են նաև դիբութիլ ֆտալատը, տոլուենը, քսիլենը, պարաբենները, ֆորմալդեհիդը, ֆորմալդեհիդի խեժը։ ՆԵ գել լաքերը ամբողջությամբ զերծ են վերոնշյալ բոլոր բաղադրիչներից։

Բացի նյութի բաղադրությունից, շատ տեխնիկական պատճառներ կարող են լինել թաքնված գել լաքապատման և գել լաքը հեռացնելու ընթացքում, որոնք կարող են հանգեցնել եղունգների բարակելուն, թուլացմանը, շերտավորմանը։ Հաճախ կրկնվող պատճառներից են սխալ տեխնիկայով գել լաքապատում կատարելը, գել լաքը բոռ մեքենայով հեռացնելիս պատճառված վնասները, UV լամպից ստացված այրվածքները, որոնք առաջանում են նյութը հաստ շերտով քսելու և 60 վայրկյանից ավելի չորացնելու հետևանքով, և այլն։ Այնպես որ, համոզված եղեք, որ օգտվում եք անվնաս նյութերի և վստահում եք գրագետ մասնագետի։ Այդ դեպքում գել լաքը չի կարող վնաս հասցնել եղունգներին։ Իսկ եթե որոշել եք ինքնուրույն գել լաքապատում կատարել, ապա պարտադիր գրանցվեք մեր Ինքս ինձ մատնահարդար օնլայն դասընթացին։